Со огромна тага соопштуваме дека почина нашиот сакан Чарли Вотс. Тој почина во болница во Лондон мирно, опкружен со своето семејство. Чарли беше сакан татко и сопруг, член на „Ролинг стоунс“ и еден од најдобрите тапанари на неговото време – соопшти денес портпаролот на Вотс.
Тој беше член на „Стоунси“ од основањето од 1963 година до крајот на животот.
Чарлс Роберт Вотс е роден на 2 јуни 1941 година. Учел за графички уметник, почнал да свири тапани во лондонски ритам и блуз клубови, каде ги запознал Брајан Џонс, Мик Џегер и Кит Ричардс. Во јануари 1963 година им се придружил на „Ролинг стоунс“, а во исто време им бил и дизајнер на нивнити плочи и сценографии за турнеи. Тој, заедно со Џегер и Ричардс учествувал на нивни студиски албуми. Не криеше дека џезот многу му влијаел на стилот на свирење.
Во 2006 година, Вотс беше избран во Алејата на славните „Modern drummer“, а истата година „Венити фер“ го избра за листата на меѓународно најдобро облечен во Алејата на славните. Списанието „Ролинг стоунс“ го смести на 12-то место на 100 најголеми тапанари на сите времиња.
Насловна фотографија: Јутјуб (NME)
